離發病開始都差唔多一個禮拜了. 身子還未完全痊癒. 喉嚨還是有少少痛, 尤其是吞口水的時候. 胃口也細了好多. 見到粥仍然有反胃既感覺.
禮拜二證實左係扁桃線發炎之後, 呢五日都要食礦生素. 日日唔係食麭包就係食湯粉. 食量真係好細. 食野都覺得好苦, 冇味. 呢兩日都好早訓, 差唔多十點就訓. 情況好了很多. 起碼飲水個陣唔會好痛. 前幾日簡直痛到叫救命, 一吞水喉嚨就好似撕裂既感覺. 唔想講野但又成幾廿個conference call 要開. 想死 :'(同事問我點解唔休息下. 我都想. 我下面個位同事放假考試, 老細放緊產假. 留下一個好年青的同事係公司. 始終放心唔落.
唔知係咪訓得唔算太好, 條腰而家訓到硬硬咁, 感覺唔係太舒服.
希望快些痊癒, 呢個星期所有活動, 朋友約會已經全部取消. 聽日打唔打到波, 星期日教會弟兄婚禮去唔去到唱歌都成一個問題.
大大力, 加油努力啦 :)
無無聊聊, 記低自己所思所想的一個日誌
7 則留言:
哎呀...你真係要好好好休息呀!
祝早日康復!!! ^.^
加加油呀! 大大力!
剛才見到你仲精神過我......應該好快好番晒.
快d好呀, 去日本呀.....我要零食呀, 草餅唔該.
求先返教會唱歌. 得番我一把男聲. 有D歌我已經要同女低音一齊唱. 但有一首歌一定要把男聲. 我唯有頂硬上. 唱完都有少少辛苦.
努力呀！喺日本見啦！！！見到嘅話‥‥
快d好返呀! 我唔要零食, 我要份報紙就夠 (^_^;)>
快d好番啦﹗
乜呀phil 都入左o黎. 你唔係話要dom dom 記念品咩? hahahaahah
我好得九九十十架啦. 多謝各位關心.
發佈留言