生日過後

為期幾日既生日慶祝暫時告一段落 (仲有一餐下個禮拜 :p ). 首先感謝各位朋友既祝福, 賀禮及款待. 今年最喜歡既禮物係一個運動袋, 因為好啱用, 嘻嘻!

最近我地個團又接幾單結婚唱歌既邀請 (我地成日笑好似接job 做, 遲d應該要設計一個網頁, 將我地既"演出" 放上去, 好似市場推廣等人欣賞, 又可以繼續接新job :p), 遲d又是我堂既主保瞻禮, 十二月我地又要做服務. 所以我地而家開始都要成日練歌. 同呢班"友仔"練歌其實幾好玩, 雖然有部份年紀比較年長少少, 但都好好傾同好玩得. 練歌變左做一個派對. 但當然大家都好認真. 始終是為主既服務. :)

尋晚練完歌同呢班"友仔"去寶琳食飯 (差唔多夜晚十點幾), 去到酒樓, 大部份既人都走左啦. 唔知係咪d廚房佬趕住收工, d餸o黎得快到呢. 碟碟又大碟. 我地又笑可能佢地趕住收工, 所似將剩番既野一次過俾晒我地. 呢餐豐富咯, 乜鮑參翅肚都有, 最後每人都係百三蚊落樓 (我唔駛俾, 因仲係壽星公 :p ). 其實都算抵架啦. 食完返到屋企都十二點啦.

熱鬧過後又回復平靜, 又要好好迎接第二天既來臨.