其實自己都算係識游水. 點解用"其實都算"? 因為游咁耐都係識游蛙式. 唔識自由式. 以前中學有教, 但當時得幾堂, 同埋個陣跟本唔識游水, 所以乜都唔記得.
今年趁放夏令時間, 搵左個教練每個禮拜五教游自由式. 平時冇咁多人, 所以都學得幾舒服. 但蛙式同自由式實在太唔多. 有好多唔慣既地方. 一係就係唔記得隻腳, 跟住就唔記得手. 個教練幾好, 堂堂教少少, 又俾我好多練習, 仲執得好仔細. 而家靠浮版都算游到少少.
尋日學一隻手放係浮板到, 一隻手要游. 因為靠晒隻左手支撐同隻腳踢水, 游得幾次, 我隻左手幾乎癱咁滯. 隻小腿就有少少老抽. 今日仲有少少痛. 不過始終要練多D, 好希望係呢個"暑假"學識自由式.
無無聊聊, 記低自己所思所想的一個日誌
5 則留言:
努力﹗加油﹗
wow, 勁呀 !!
好快你就學識的啦, 下次學埋狗仔式呀 !!!
好過我....連浮都唔識.
我都係只識游蛙式, 唔識自由式. :P
游咗成廿年蛙式, 係咪好難再學自由式呢?
游咗成廿年蛙式, 係咪好難再學自由式呢?
<- 咁我都係呢十年游蛙式嗟. 之前係完全唔識 :p
不過真係幾難學番自由式, 用既力都唔同.
我而家都可以用自由式游到一個直池，但比起蛙式係用多咗氣！無氣～～～！
發佈留言