睇完哈利仔

尋晚終於睇左啦......yeah.

個場係now 搞既特別場, 因為大部份都係free seating, 好多人都早左去排隊. 我都係, 和同事在六點四十五分左右已經到達, 但已經有一條龍仔. 今次係去皇室堡睇, 裝修左之後既感覺係.....亂. 係一邊買完熱狗, 要行到另一邊 (唔係隔離喎) 拎茄汁, 芥末等, 都幾麻煩. 未開場之前條隊排得好長. 後來發現兩間戲院做. 我睇個間算係大院, 不過d位唔好坐, 又窄. 好彩冇我朋友講有"室".

我地都算排得前, 所以都拎左個幾好既位置. 開場啦, 冇乜廣告, 即刻就做啦. 因為我係兩年前睇過本書, 所以有些情節忘記左, 唔緊要, 當睇戲.

由於部書係暫時咁多本最長既一本, 好多細節都冇交待得好清楚. 例如呢個特別組識點解會俾人知道佢地既行踪, 佢地點樣靠一件道具逃避個位看更呀叔去偷偷練習等等. 但總體上都算合格. 臨尾場大戰都算精采. 但去imax 睇都係得個十幾廿分鐘特別效果, 咁貴戲飛, 唔抵. 套戲裏面個個主角都變得牛高馬大, 哈利仔係最細粒個位(但都有五呎七吋).

仲有十日左右第七集, 即最後個集小說就出版啦. 好緊張. 買完即刻要睇埋個故仔點發展落去.