今年夏天特別辛苦

今晚睇新聞, 講今年既夏天, 朝早平均既溫度有成廿八度以上, 係咁多年最高既一年. 仲講係呢個世紀中期什至更早些, 香港就會冇冬天啦.

以前香港既冬天真係好凍, 要穿好多大褸, 而家有時穿短袖都得. 夏天因為香港太潮濕既關係. 真係好辛苦. 今朝六點幾起身個陣關掉冷氣開風扇, 但七點許就熱醒, 仲發覺成身黐立立, 死未.

我唔鍾意星馬既天氣, 但我更加唔鍾意而家香港既夏天, 熱得好辛苦. 家家戶戶都開冷氣, 令到條街更加熱. 夏天要我出銅鑼灣旺角, 除非有東西要買, 否則一定說不. 又熱又多人. 唔迫死都熱死. 現在晨早返工, 回到公司都已經好濕. 已經是行有蓋遮的地方. 死未? 晏晝如果沒有太大需要, 我寧可留在公司食飯盒. 帶飯始終是我的首選. :)

夏天唯有的好處就是可以游水曬太陽. 其他好處都想不到. 用電又多, 買汽水的錢又要用多......