夏令時間

呢三年都冇乜放過長假. 但每年九月底之前要清假. 所以通常七至九月會係我既夏令時間. 每個星期返四日.

上個禮拜五係第一日既夏令時間. 朝早起身讀下日文, 跟住去學游水. 學一個鐘, 自己曬太陽加上自己游番一個鐘. 成個池都冇乜人. 直情係爽. 原來一期更衣室D花晒換過晒. 同二期一樣, 都幾好.

晏晝就係打機加睇HEROES 時間. 唔係日本個套喎. 係之前個套類似X-MAN個套喎.

夜晚約了一大班好友飲野食飯. 一個朋友叫我放D, 要準情飲先開心, 我問佢飲得咁辛苦為乜. 嘔到九彩個陣就唔方唔開心. 結果佢..........................................lum 左. 聽日要寸下佢先. 自已知道自己既底線去到邊. 後來發覺個胃有d反應. 我諗以後要繼續減少飲啤酒既數量.

就咁過左第一個夏令時間既禮拜五. 好充實. 要好好享受下o黎梗個d禮拜五 :p