重執鑊鏟

好耐冇煮過飯啦. 最近趁考完試有些時間就開始我既煑飯旅程. 呢幾日煮左兩樣野, 一樣係忌廉雞柳燴意粉, 另一樣係濕炒牛河. 兩様都幾好味. :p 我仲pack 埋飯帶返公司食. 又慳錢, 又好味, 又有益...呵呵呵 一舉幾得.

之後都會煮番多d飯. 而家諗緊煮炒飯啦, 支翼啦, 炸菜蒸牛肉等等等.

我幾時開始識煮飯? 其實中學個陣都有帶飯, 個陣就識煮d好簡單既菜. 後o黎去澳洲讀書一個人住咪學識點煮飯囉. 個陣係用大湯碗吔飯, 裏面放好多支翼呀, 炒蛋. 我諗當時食野既分量係而家既1.5倍. 但唔知點解個陣咁鬼瘦 [唔夠一百磅 :p]

其實煮餐飯唔駛好多時間, 不過要睇心情. 尋晚炒牛河. 由係屋企出去買餸到食完洗碗都係75分鐘.