拉丁文

今個禮拜二, 我地歌詠團又要出去服務啦. 今次係同主業會一齊服務係大堂舉行既聖施禮華慶典. 今次又o黎一次突破 - 要唱中文歌, 英文歌同埋......拉丁文歌.

唔識拉丁文, 所以只有聽mp3聽讀音. 都幾難, 例如 et iie sum (即 jesus), 讀做 "yet soom". 仲有要睇拉丁文樂譜. 拉丁文樂譜得四條線. 每個音唔係用豆豉 (即一劃一點個d)表示, 而係一粒粒豆點表示. 都幾難睇. 我地團總共要唱兩首拉丁文歌. 練左幾次, 暫時都過得去. 但d音樂真係好易令人訓覺. 領主詠個陣, 有一首係由主業會唱既ave maria (莫扎特作曲既). soprano 唱得真係好好聽.

今次tenor 又係得我同我地既團長兩丁. 呀peter哥太勤力啦, 死都唔肯走佢既韓文堂. 不過到時都有指揮幫手 (佢本身係bass, 但都會幫手唱tenor). 好笑既係我地既指揮frankie話我地兩把聲好夠聲. 所以唔駛太多tenor. (言下之意即係覺得我地好嘈, 最好細聲番少少 :p. 嘻嘻, 收到)