日本遊(一)

十月七日係我出發日本既"大"日子, 前一晚竟然每隔兩個鐘醒一醒, 驚死唔知醒起身. 之前一晚已經call了的士. 六點鐘的士司機就打o黎講低車牌. 話六點半左右到. 點知我等到六點七仲未到, 咪call佢, 又搵唔到人, 我等到六點五十分又要call 總台, 佢地都搵唔到人, 佢地咪拿拿臨搵個第二部的士o黎. 係第二部的士司機打o黎之前, 第一部的士既司機打o黎話唔好意思, 去左入氣. 結果我係七點三十五分左右到達機場. 我係九點鐘就好興奮咁踏上往日本既旅程.

飛機都幾新下, d remote 好好玩 :p 因為我自知訓唔到覺, 結果睇左兩套電影, the almighty god 同1408. 兩套都幾好睇. 大約下午兩點幾我就到達日本成田機場. 係機場撞到好多同事. 於是大家一齊坐機場巴, 跟住轉的士去酒店. 點知個的士司機唔知我地去邊, um...我學既日文終於可以派上場啦. haha 搞掂. 雖然講得好核突. :p

去到酒店, 唔理三七二十一, 即刻換衫出發秋葉原. 其實我夜晚公司係有個reception party要去, 但因係optional, 最後我都係skip 左. 秋葉原之旅點樣, 留番下回分解 :p