上司下屬

講開同朋友既聚會, 尋晚同以前兩個舊下屬食飯, 佢地係一對夫妻, 係唔同公司做野. 尋晚仲帶埋個囝囝出O黎, 佢囝囝好怕羞, 但好好玩.

本來尋晚我係諗住問佢地有冇興趣去我公司做. 但點知變左做一個挖角晚飯, 佢地各自都想搵我過去佢地間公司再一次做佢地老闆. 其中一間係我以前舊公司, 因我以前個老細走, 所以有個吉位. 不過真係好好笑囉.老公講一陣, 跟住老婆就插口話都係佢間公司好. 成餐飯又係充滿歡樂聲.

有時自己都幾開心, 起碼知道自己唔算係一個好黑人憎既老細. 以前有幾個同事走之前真係有SEND EMAIL 俾我話多謝我教左佢地好多野. 而家仲間唔中出O黎一齊食飯, 打牌, 飲野, 打波添. 就算而家閒談個陣, 佢地都係咁講. 我真係好開心架. 如果我係信仰上都做到類似咁既褔傳工作, 可能會更加好添 :)

都係個句. 我始終係用心對人, 希望對方都係咁樣對我. 有人曾經話我純情, 其實我好想講, 係你自己將自己既思想複雜化嗟. 傻既唔係我係你.