九年半啦

今個禮拜五就係我係而家間公司既五週年啦. 計埋以前既四年半, 我係而家間公司都做左9年半loo. 係部門排名第四做得最耐個位...

呢九年幾係間公司學到好多野, 識到好多朋友. 其他人對我都好好..不論老細到茶水呀姐或者派信個位呀姐都對我好好. 算係咁架啦. 回想最初個幾年係公司日日做15-16個鐘, 真係乜生活都俾晒佢. 回想呢段時間, 都覺得係值得. 因為學到好多野, 同埋而家一班好友, 都係個段時間一齊捱. 見佢地真係多過見屋企人. 佢地而家全部都結晒婚, 有晒仔女添. 但我地都感情都依然好好.

下一個10年個陣, 我又會回想咩呢? 唔知loo....到時至算. 而家諗下點用公司五週年送既$1000 奬金好過啦. e...好野. 年假又多兩日 :p